Dharma Wacana Suputra

SUPUTRA

OM SWASTYASTU,

*Para mahadyaksa sane kusumayang tityang

*asapunika taler,Para pamiarsa sane wangiang tityang,

       Maha suksmaning idep aturang titian majeng ring Ida Sang Hyang Parama Wisesa, riantukan wantah sangkaning asung kerta wara nugrahanida, titian prasida masadu ajeng ring ratu, Ida dane sinareng sami. Rumasa garjita ring manah, prasida sekadi mangkin matembang wirasa sareng sameton para sisya malarapan antuk Dharma Wacana sakadi mangkin.

       Ring galah puniki titian pacang ngaturang Dharma Wacana sane memurda “SUPUTRA” .

Pinaka dasar tatimbang murda puniki, duaning kadi mangkin akeh parilaksana para yowana, para sisya sane magenah ring desa utawi ring kota parisolahnyane sampun akeh sane lempas ring kasusilaan tur nenten manut ring sasana dados yowana utawi sisya. Pinaka conto, ritatkala nyanggra wanti warsa miwah rahina sane tiosan, akeh para yowana sane minum-minuman jantos mamunyah, sesampune punyah raris ngwetuang biota, gelar-gelur ngantos majagurandareng tmpalnyane utawi anak siosan. Parilaksana sane asapunika janten pancang panggihin kabyahparan, dawning punika sampun mawasta lali ring swadharma dados putra, napi malih kantun dados sisya ring sekolahan. Ngiring ngawit mangkin eling-elingan ragane, dharma kasuslaane saratang pisan tur telebang gumanti dados yowana utawi sisya sane kaucap suputra.

       Inggih para pamiarsa sane wangiang titiang, mangda dangan antuk ngresepang indik tetuek Dharma Wacana sane mamurda SUPUTRA ngiring bawosang artos kruna SUPUTRA.

Kruna SUPUTRA mawit saking kruna lingga putra tur polih pangater Su. Putra mateges oka utawi pianak lan pratisentana, Su sane mateges becik, luwih, lan utama manut einf tata susila, Parilaksana sane kabawos manut ring kaasusilan punika, laksana sane kadasari antuk karuna(welas asih) makadi pamargin Sang Garuda sekadi ring sor :

       Manut kecaping sastra Garuda Purana, daweg biang ida Sang Garuda kaon matoh-tohan nglawan dewi Kadeu, raris dewi Kadeu nitahang Dewi Winata Ngngonang watek nagane. Wiakti nyabran rahina pakaryan Dewi Winata ngangonang waktek nagane, sane solahnyane jail turmaning rusit pisan,. Kasuen-suen raris rumasa ring angga kaleson ngambil pakaryan punika raris kadauhin Sang Garuda mangda prasida ngentosin ngambilpakaryane punika. Duaning asapunika pituduh biang Sang Garuda, raris Sang Garuda ngiringang pikayun biang dane.

       Sane mangkin caritayang Sang Garuda sampun ngmargiang pakaryan ngngonang naga punika. Mrika-riki wyakti pablesat watek nagane gumanti mangda polih tetedan. Sapunika teller Sang Garuda mrika-mriki nutug pamargin wateking nagane, nenten pisan ngitungang panes bara ring margine, yan di asapunapine kasarengin antuk angin nglinus miwah sabeh agung. Kasuen-suen naler Sang Garud marasa kaleson ngangonang wateking nagane, kala punika raris dane mataken ring sawateking nagane. “Uduh dewa wateking naa makasami, napi sane patut anggen titian nebus mangda biang titian puput mamanjak ring biang idewane”. Sumahur raris nagane sami “ Uduh sang Garuda, yan asapunika pakayunan, tunasang titian tirta amerta ring Ida Sang HYang Wisnu, sesampune polih sane mawasta tirta amerta wus biang idewane memanjak ring biang tiange.

       Sesampune Sang Garuda uning ring panebusan biang idane raris dane mapamit ring biangnyane, tumuli malesat ka amabarane tur pacing ngungsi Wisnu loka, pacing tangkil ring Ida Hyang Wisnu. Maduluran antuk sembah pangbakti : Singgih ratu sesuhunan, pinih riin aksi sembah pangbaktin titian I katunan, dumadak nenten keni raja pinulah, langgia putun titian rttangkil ring bukpadan iratu sakadi mangkin. Sesampun HYang Wisnu ngaksi sembah Sang Garuda raris ida ngandika : “ Uduh dewa Garuda, apa sane saratang idewa pacing tunas laut uningang, “singgih ratu sesuhunan titian tangkil ring jeng palungguh iratu wantah mapisarat, pcang nunas Tirta Amertha anggen nebus reraman titian mangda wusan mamanjak ring Dewi Kadru” atur sang Garuda.

       Risampun Hyang Wisnu mirage atur Sang Garuda raris ida ngandika : “ Uduh dewa Sang Garuda, pinunas ceninge lakar isini manira, sakewala cening tusing dadi lempas teken pituduh ddi palinggihanmanira. Raris dane ngiringang buat sapituduh Ida Hyang Wisnu. Madasar manah bagia tumuli Sang Garuda nunas tirta Amertha saha mapamit pacing ngungsi genah para nagane. Tumuli ngawit ring rahina punika biang dane Sang Garuda wusandados panjak Dewi Kadru antuk utsaha sane kalaksanayang olih Sang Garuda.

       Inggih ratu, ida dane sareng sami, asapunika I wawu titian ngojar akedik carita Sang garuda. Ring carita punika, I raga polih ngambil suksmannyane makadi Sang Garuda dahating tresna ring Biange. Asapunika taler I manusaring kahuripan, utamannyane para yowana, para sisya mangdane prasida dados yowana lan dados sisya sane suputra, guru wiswsa, muwah ring Sang Hyang Widhi Wasa Pinaka guru Swadyaya.

       Inggih para pamiarsa sareng sami, kawrntenan sang guru punika dahat mabuat ring kahuripan, riantukan wantah sangkaning guru sane prasida ngawetuang para sisya sane wikan tur pradnyan. Punika awinan iraga mangdane bhakti ring guru, nglaksanayang piteket-piteketnyane. Para guru nenten surud-surud ngicen paplajahan ring iraga, duaning asapunika sampunang malaksana, mabawos lan mapikayun sane nenten patut, sogol utawi iwang ring guru. Prade asapunika janten pisan agung dosannyane sane panyang katerima manut ring sakadi sstra agama ring pustaka Sarasamuscaya sloka 234, munggah sakadi :

        Hana pva drohaka ring pangjyanya, ring bapabu kunag, maka karanang kaya, wak, manah, ikang mangkana kramanya, agung papanya’ lewih sakeng papaning bhrunaha, brunaha ngaraning rurur garbha, sangksepanya atyanta papanika”

Artosnyane :

       Yening wenten jadma sane tempal, alpaca ring guru, marep ring biang lan aji, sane maljalaran antuk parilaksana babawos, utawi mapineh, jadmane sane maparilaksana asapunika, dahating agung dosannyane, ngelintangin dosa bhrunaha, bhrunaha ngmademang rare ring gabhannyane, maka cutetnyane agung dosanipun.

Ring sloka inucap, iraga poling sesuluh mangdane maparilaksana sane nenten tempal, alpaca ring sang rumaga guru.

       Inggih para dyaksa saha ratu, ida dane sane wangiang titian, asapunika prasida kahatur, salanturnyane pacing cutetang makadi unteng pbebawosan I wawu sakadi :

1.    I raga dados jadma pamekas yowana utawi sisya mangdane ngmargiang swadharma sasana nganut inggih, makarma, malajah tur setata nyejerang kapitresnan ring sakancan mauripe sakadi carita Sang Garuda ring ajeng.

2.   Salamin manusa iriki ring mercapada, mangdane stata eling tur nelebang kasusilan uripe mangda ngamolihin karahayuan skala-niskala

3.   Para sisya mangdane setata nginutin piteket guru makadi guru rupaka, guru pangajian, guru wisesa lan guru swadyaya.

Inggih, kadi asapunika prasida titian nyarengin Dharma Wacaana puniki, dumogi wenten pikenohnyane. Manawita wenten atur titian sane nenten munggah ring kayun, titian nglungsur agung rena sinampura. Pinaka pamuput atur, titiang nguncaran parama santhi,

Om, Shantih, Shantih, Shantih, Om.